Oʻzbekiston Respublikasi Prezidentining “2007-2011-yillardagi davrda qurilish materiallari sanoati korxonalarini modernizatsiya qilish, texnikaviy va texnologik qayta jihozlash dasturi toʻgʻrisida” 2007-yil 1-iyundagi PQ-646-son qaroriga qoʻshimcha kiritish toʻgʻrisida

Oʻzbekiston Respublikasi Prezidentining “Devorbop materiallar ishlab chiqarishni koʻpaytirishni ragʻbatlantirish va sifatini yaxshilash borasidagi qoʻshimcha chora-tadbirlar toʻgʻrisida” 2009-yil 19-iyundagi PQ-1134-son qaroriga muvofiq:

1. Oʻzbekiston Respublikasi Prezidentining “2007 — 2011-yillardagi davrda qurilish materiallari sanoati korxonalarini modernizatsiya qilish, texnikaviy va texnologik qayta jihozlash Dasturi toʻgʻrisida” 2007-yil 1-iyundagi PQ-646-son qaroriga 4-ilovasi uning 1-bandiga berilayotgan quyidagi izoh bilan toʻldirilsin:

“Nostandart, tejamsiz pechlarni energiya tejaydigan maxsus texnologiyalarga almashtirmagan, shuningdek solishtirma sarf-xarajatlarning belgilangan normalaridan ortiq hajmda tabiiy gaz isteʼmol qiladigan pishgan gʻisht ishlab chiqaruvchi korxonalarga tabiiy gazning berilishi amaldagi ulgurji narxlar boʻyicha amalga oshiriladi”.

2. Belgilansinki, kiritilayotgan oʻzgartish 2010-yilning 1-yanvaridan boshlab kuchga kiradi.

3. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2009-yil 19-avgust,

PQ-1175-son