Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida

Oʻzbekiston Respublikasining “Raqobat toʻgʻrisida” 2012-yil 6-yanvardagi OʻRQ-319-son Qonuniga muvofiq:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartishlar kiritilsin.

2. Mazkur Farmonning ijrosini nazorat qilish Oʻzbekiston Respublikasining Bosh vaziri Sh.M.Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2012-yil 23-may,

PF-4442-son

Oʻzbekiston Respublikasi Prezidentining 2012-yil 23-maydagi PF-4442-son Farmoniga ILOVA

Oʻzbekiston Respublikasi Prezidentining ayrim hujjatlariga kiritiladigan oʻzgartishlar

1. Oʻzbekiston Respublikasi Prezidentining “Monopoliyaga qarshi ishlarni tartibga solish va raqobatni rivojlantirish tizimini yanada takomillashtirish chora-tadbirlari toʻgʻrisida” 2010-yil 26-fevraldagi PF-4191-son Farmonining:

a) 2-bandida:

ikkinchi xatboshidagi “monopolistik faoliyatni cheklash toʻgʻrisidagi” soʻzlari “raqobat toʻgʻrisidagi” soʻzlari bilan almashtirilsin;

uchinchi xatboshidagi “tovarlar (xizmatlar, ishlar) bozorlarida,” soʻzlari “tovar yoki moliya bozorlarida,” soʻzlari bilan almashtirilsin;

b) 3-bandning ikkinchi va uchinchi xatboshidagi “monopoliyaga qarshi qonun hujjatlari,” soʻzlari “raqobat toʻgʻrisidagi qonun hujjatlari,” soʻzlari bilan almashtirilsin;

2. Oʻzbekiston Respublikasi Prezidentining “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi faoliyatini tashkil etish toʻgʻrisida” 2010-yil 2-martdagi PQ-1293-son qarori 3-bandining uchinchi xatboshidagi hamda uning 2 va 3-ilovalaridagi “monopoliyaga qarshi qonun hujjatlari” soʻzlari “raqobat toʻgʻrisidagi qonun hujjatlari” soʻzlari bilan almashtirilsin.