HuquqTech
Oʻzbekiston Respublikasi hamda Indoneziya Respublikasi oʻrtasidagi siyosiy, savdo-iqtisodiy, investitsiya va turizm sohalaridagi ikki tomonlama hamkorlikni chuqurlashtirish va yanada rivojlantirish maqsadida:
1. 2018-yilning 15-oktabridan boshlab Oʻzbekiston Respublikasining Indoneziya Respublikasidagi Elchixonasi (keyingi oʻrinlarda — Elchixona) shtat jadvaliga savdo-iqtisodiy masalalar boʻyicha maslahatchi (1 shtat birligi) va birinchi kotib (turizmni rivojlantirish masalalari boʻyicha) (1 shtat birligi) qoʻshimcha lavozimlari kiritilsin.
(1-band Oʻzbekiston Respublikasi Prezidentining 2019-yil 23-apreldagi PQ-4299-sonli qarori tahririda)
(2-band Oʻzbekiston Respublikasi Prezidentining 2019-yil 23-apreldagi PQ-4299-sonli qaroriga asosan oʻz kuchini yoʻqotgan)
3. Oʻzbekiston Respublikasining Indoneziya Respublikasidagi Elchixonasining shtat jadvali ilovaga muvofiq tasdiklansin.
4. Oʻzbekiston Respublikasi Tashqi ishlar vazirligi joriy yil budjetida tasdiqlangan, xorijiy muassasalarni mablagʻ bilan taʼminlash miqdorlaridan kelib chikib, 2018-yilda Elchixonaning taʼminoti uchun tasdiqlangan harajatlar smetasiga oʻrnatilgan tartibda oʻzgartirishlar kiritsin.
5. Oʻzbekiston Respublikasi Moliya vazirligi:
joriy yil budjetida tasdiqlangan, chet eldagi muassasalarni mablagʻ bilan taʼminlash miqdorlaridan kelib chiqib shtatlar jadvalidagi oʻzgarishlarni hisobga olgan holda Elchixona harajatlari moliyalashtirilishini amalga oshirsin;
Elchixonaga qoʻshimcha bitta yengil avtomobil taʼminoti uchun limit ajratsin.
6. Oʻzbekiston Respublikasi Prezidentining 2010-yil 30-iyuldagi “Oʻzbekiston Respublikasining xorijiy mamlakatlardagi diplomatik vakolatxonalarining shtat jadvallariga oʻzgartirish va qoʻshimchalar kiritish toʻgʻrisida”gi PQ-1379-sonli qarorining 2-ilovasi oʻz kuchini yoʻqotgan deb hisoblansin.
7. Mazkur qarorning ijrosini nazorat qilish Oʻzbekiston Respublikasi Prezidenti huzuridagi Xavfsizlik kengashi Kotibi V.V. Maxmudov va Oʻzbekiston Respublikasi Tashqi ishlar vaziri A.X. Kamilov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 26-sentabr,
PQ-3950-son
Oʻzbekiston Respublikasi Prezidentining 2018-yil 26-sentabrdagi PQ-3950-sonli qaroriga ILOVA
Oʻzbekiston Respublikasining Indoneziya Respublikasidagi Elchixonasi shtat jadvali
(ilova Oʻzbekiston Respublikasi Prezidentining 2019-yil 23-apreldagi PQ-4299-sonli qarori tahririda)