HuquqTech HuquqTech Qonunlar Prezident hujjatlari Savol-javob AI'dan bepul so'rash
PQ-1319-son Qaror · 07.04.2010

Farmatsevtika va tibbiyot faoliyatiga litsenziya berishni tartibga solish chora-tadbirlari toʻgʻrisida

Rasmiy manba (lex.uz) PDF

Rekvizitlar

  • Hujjat turi:Qaror
  • Raqami:PQ-1319
  • Qabul qilingan sana:07.04.2010
  • Kuchga kirgan sana:07.04.2010
  • Rasmiy nashr:СЗ РУ 14-15

Oʻzbekiston Respublikasining “Faoliyatning ayrim turlarini litsenziyalash toʻgʻrisida”gi Qonuniga muvofiq hamda farmatsevtika va tibbiyot faoliyatiga litsenziya berish tartibini yanada takomillashtirish, shuningdek aholiga koʻrsatilayotgan xizmatlar sifati ustidan nazoratni kuchaytirish maqsadida:

1. Shunday tartib oʻrnatilsinki, unga muvofiq farmatsevtika faoliyatini amalga oshirish huquqini beruvchi litsenziya yuridik va jismoniy shaxslarga 5 yil muddatga beriladi.

Oʻzbekiston Respublikasi Vazirlar Mahkamasi bir oy muddatda farmatsevtika faoliyatiga litsenziya berish tartibi toʻgʻrisidagi yangi Nizomni tasdiqlasin.

2. Oʻzbekiston Respublikasi Prezidentining “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish toʻgʻrisida” 2005-yil 21-sentabrdagi PQ-186-son qarori 1-ilovasining 3 va 4-bandlari oʻz kuchini yoʻqotgan deb hisoblansin.

3. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2010-yil 7-aprel,

PQ-1319-son

Shu turdagi boshqa hujjatlar

Bu hujjat sizga qanday ta'sir qiladi?

HuquqTech hujjat va qonun moddalariga tayanib, savolingizga oddiy tilda javob beradi.

AI'dan bepul so'rash

Matn lex.uz rasmiy manbasidan olingan va avtomatik yangilanadi. Huquqiy ahamiyatga ega qarorlar uchun rasmiy nashrga va malakali mutaxassisga murojaat qiling.