Ilm-fan sohasi xodimlariga imtiyozlar berish toʻgʻrisida

Ilm-fan sohasi xodimlarini ijtimoiy himoyalashni kuchaytirish, ularning moddiy va maishiy sharoitlarini yaxshilash maqsadida, Oʻzbekistonni ijtimoiy-iqtisodiy va madaniy rivojlantirishga ular qoʻshgan hissani eʼtiborga olib:

1. “Barcha turdagi maktablarning oʻqituvchilariga, bolalar uylarining tarbiyachilariga qoʻshimcha imtiyozlar berish, yuqori sinflar oʻqituvchilarining ish haqini oshirish toʻgʻrisida” Oʻzbekiston Respublikasi Prezidentining 1990-yil 13-noyabrdagi Farmonining quyidagi qismi respublika ilm-fan sohasi xodimlariga joriy etilsin:

— ular yashab turgan davlat va idoralarga qarashli uylar hamda kvartiralar shaxsiy mulk qilib bepul topshirilsin;

— yer uchastkalari va yakka tartibda uy-joylar qurishga sotib olish uchun binokorlik materiallari birinchi navbatda ajratib berilsin.

Ushbu Farmon 1-bandining amal qilishi mehnat faoliyatining ana shu sohasida kamida 10 yil uzluksiz ish stajiga ega boʻlgan ilmiy xodimlar jumlasiga kiruvchi nafaqaxoʻrlarga ham joriy etilsin.

2. Oʻzbekiston Respublikasi Prezidenti huzuridagi Vazirlar Mahkamasi bir hafta muddat ichida mazkur Farmonni roʻyobga chiqarishga oid tashkiliy chora-tadbirlar toʻgʻrisidagi qaror loyihasini tayyorlasin.

3. Ushbu Farmon eʼlon qilingan paytdan boshlab kuchga kiradi.

Oʻzbekiston Respublikasining Prezidenti I. KARIMOV

Toshkent sh.,

1992-yil 8-oktabr,

PF-480-son