Oʻzbekiston Respublikasi Prezidentining 2020-yil 26-maydagi “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishga doir qoʻshimcha chora-tadbirlar toʻgʻrisida”gi PQ-4731-son qaroriga oʻzgartirishlar kiritish haqida

“Olmaliq KMK” aksiyadorlik jamiyatining “Yoshlik-1” konini oʻzlashtirish” investitsiya loyihasining samaradorligini oshirish hamda pudratchi tanlovida shaffof mexanizmdan foydalanish orqali uning texnik-iqtisodiy koʻrsatkichlarini maqbullashtirish maqsadida:

1. Oʻzbekiston Respublikasi Prezidentining 2020-yil 26-maydagi “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishga doir qoʻshimcha chora-tadbirlar toʻgʻrisida”gi PQ-4731-son qaroriga ilovaga muvofiq oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 24-mart,

PQ-5037-son

Oʻzbekiston Respublikasi Prezidentining 2021-yil 24-martdagi PQ-5037-son qaroriga ILOVA

Oʻzbekiston Respublikasi Prezidentining 2020-yil 26-maydagi “Olmaliq KMK” aksiyadorlik jamiyati konlari negizida rangli va qimmatbaho metallar ishlab chiqarishni kengaytirishga doir qoʻshimcha chora-tadbirlar toʻgʻrisida”gi PQ-4731-son qaroriga kiritilayotgan oʻzgartirishlar

1. 1-bandning uchinchi xatboshisi chiqarib tashlansin.

2. 4-band oʻz kuchini yoʻqotgan deb hisoblansin.

3. 6-bandning birinchi xatboshisidan “SFI Management Group” MCHJ XK,” soʻzlari chiqarib tashlansin.

4. 8-banddagi “Renaissance Heavy Industries” kompaniyasi (Rossiya)” soʻzlari “pudratchilar” soʻzi bilan almashtirilsin.

5. 11-banddan “SFI Management Group” MCHJ XK va” soʻzlari chiqarib tashlansin.