HuquqTech
Mamlakatimizda iqtidorli yoshlarni qoʻllab-quvvatlash, ularning salohiyatini roʻyobga chiqarish, ilmiy-tadqiqot va innovatsion faoliyatini samarali yoʻlga qoʻyish uchun qoʻshimcha shart-sharoitlar yaratish borasida izchil chora-tadbirlar amalga oshirib kelinmoqda.
Shu bilan birga, ulgʻayib kelayotgan yosh avlodning ilm egallashga boʻlgan ishtiyoqini oshirish, mamlakatimizning xalqaro maydondagi nufuzini yanada yuksaltirish uchun iqtidorli yoshlar bilan ishlash tizimini takomillashtirish zarurati mavjud.
Yoshlarni amalga oshirilayotgan islohotlarning faol ishtirokchisiga aylantirish, izlanuvchanlik va yaratuvchanlik faoliyatiga keng jalb qilish, ularning ilm-fanni oʻzlashtirishga boʻlgan qiziqishini qoʻllab-quvvatlash hamda jahon miqyosida Vatanimiz dovrugʻini keng taratgan buyuk ajdodlarga munosib avlodni tarbiyalash maqsadida:
1. Maktabgacha va maktab taʼlimi vazirligining Ixtisoslashtirilgan taʼlim muassasalari agentligi huzurida davlat muassasasi shaklida Fan olimpiadalari markazini (keyingi oʻrinlarda — Markaz) tashkil etish toʻgʻrisidagi taklifi maʼqullansin.
Markazning asosiy faoliyat yoʻnalishlari etib quyidagilar belgilansin:
qobiliyatli hamda fanlarni chuqur oʻrganishga qiziqadigan yoshlarni aniqlash va seleksiya qilish, ulardagi iqtidorni yanada rivojlantirish uchun zarur shart-sharoitlar yaratish;
oʻquvchilarni fan olimpiadalariga maqsadli tayyorlashga oid oʻquv dasturlari, adabiyotlar, metodik tavsiyalar va qoʻllanmalar ishlab chiqish;
fan olimpiadalariga tayyorlash boʻyicha trenerlar jamoasini, shu jumladan xorijiy mutaxassislar, olimlar va professor-oʻqituvchilarni jalb qilgan holda shakllantirish, ularning samarali faoliyatini yoʻlga qoʻyish va ragʻbatlantirish;
xalqaro va respublika miqyosida maktab fanlari boʻyicha oʻtkaziladigan olimpiada, musobaqa va tanlovlarni tashkil qilish va muvofiqlashtirish;
fan olimpiadalarida yuqori natijalarga erishgan oʻquvchilarni qoʻllab-quvvatlash, ularning iqtisodiyot va ilm-fanning ustuvor yoʻnalishlarida, shu jumladan maktab taʼlimi tizimida faoliyat olib borishiga koʻmaklashish;
olimpiadalar oʻtkazish boʻyicha xalqaro hamkorlik aloqalarini kengaytirish, ushbu sohadagi ilgʻor xorijiy tajribalarni ommalashtirish;
fan olimpiadalarini targʻib qilish, oʻzbekistonlik oʻquvchilarning xalqaro fan olimpiadalaridagi ishtiroki va natijalari haqidagi maʼlumotlarni keng jamoatchilikka yetkazib borish.
2. Belgilab qoʻyilsinki:
a) Markazning cheklangan boshqaruv shtat birliklari soni 41 tani tashkil qiladi hamda Maktabgacha va maktab taʼlimi vazirligi tizimining umumiy shtat birliklari doirasida shakllantiriladi;
(2-bandning “a” kichik bandi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
b) Markaz xodimlariga Maktabgacha va maktab taʼlimi vazirligi xodimlari uchun belgilangan mehnatga haq toʻlash shartlari tatbiq etiladi. Bunda:
Markaz direktorining lavozim maoshi Maktabgacha va maktab taʼlimi vazirligi departamenti direktori lavozim maoshiga, direktor oʻrinbosarining lavozim maoshi vazirlik boshqarma boshligʻi lavozim maoshiga, tarkibiy boʻlinmalar boshliqlarining lavozim maoshi vazirlik boʻlim boshligʻi lavozim maoshiga, boshqa mutaxassis xodimlarning lavozim maoshi vazirlikning tegishli darajadagi mutaxassislari lavozim maoshiga tenglashtiriladi;
Markaz xodimlariga ustamalar, mukofotlar va boshqa ragʻbatlantiruvchi toʻlovlar Taʼlim sohasidagi islohotlarga koʻmaklashish jamgʻarmasi mablagʻlari hisobidan toʻlanadi;
v) Markaz faoliyati Davlat budjeti mablagʻlari, Taʼlim sohasida islohotlarga koʻmaklashish jamgʻarmasi, Iqtidorli yoshlarni qoʻllab-quvvatlash jamgʻarmasi, jismoniy va yuridik shaxslarning homiylik xayriyalari, pullik xizmat koʻrsatishdan tushgan mablagʻlar va qonunchilik hujjatlarida taqiqlanmagan boshqa manbalar hisobidan, 2027-yildan boshlab bosqichma-bosqich — xoʻjalik faoliyatini yuritishdan tushgan mablagʻlar hisobidan moliyalashtiriladi.
Maktabgacha va maktab taʼlimi vazirligi 2025-yil 1-oktabrga qadar Taʼlim sohasida islohotlarga koʻmaklashish jamgʻarmasi mablagʻlari hisobidan Markazda fanlar boʻyicha amaliy topshiriqlarni bajarish uchun zamonaviy asbob-uskunalar va xomashyo materiallari bilan toʻliq jihozlangan laboratoriya tashkil qilsin.
3. Belgilansinki, oʻquvchilarning xalqaro olimpiadalarda munosib ishtirokini taʼminlash uchun 2025-yildan boshlab Markaz tomonidan:
5 — 8-sinf oʻquvchilari oʻrtasida oʻtkaziladigan olimpiadalarda muvaffaqiyatli ishtirok etib, yuqori natijalarni qayd etgan iqtidorli oʻquvchilar bazasi shakllantiriladi va ularni xalqaro olimpiadalarga maqsadli tayyorlash yoʻlga qoʻyiladi;
har bir fan yoʻnalishi boʻyicha oʻquv dasturlari, adabiyotlar, metodik tavsiyalar, qoʻllanmalar va jurnallar yaratilib, ular doimiy ravishda xorijiy mamlakatlar tajribasi hamda xalqaro olimpiadalar metodologiyasi asosida takomillashtirib boriladi;
oʻquvchilarni fan olimpiadalariga tayyorlovchi trener-oʻqituvchilarning uzluksiz kasbiy rivojlanishi uchun zarur sharoitlar yaratiladi, ularga yangi metodikalar oʻrgatib boriladi;
fan olimpiadalari boʻyicha milliy terma jamoalarning xorijiy davlatlar terma jamoalari bilan qoʻshma yigʻinlar oʻtkazish amaliyoti yoʻlga qoʻyiladi;
oʻquvchilar uchun xalqaro olimpiadalarda ruhiy bosimni yengish boʻyicha seminarlar hamda motivatsion treninglar tashkil qilinadi;
asosiy fan olimpiadalarining hududiy bosqichida muvaffaqiyatli ishtirok etgan iqtidorli yoshlar uchun “intellektual oromgohlar” tashkil etiladi.
4. Shunday tartib oʻrnatilsinki, unga muvofiq:
a) xalqaro fan olimpiadalari nufuzli xalqaro olimpiadalar, xalqaro olimpiadalar va mintaqaviy xalqaro olimpiadalarga boʻlinadi va ushbu olimpiadalar gʻoliblari, ularning oʻqituvchilari va terma jamoalar rahbarlari 1-ilovaga muvofiq miqdorlarda bir martalik pul mukofoti bilan taqdirlanadi;
b) nufuzli xalqaro olimpiadalar, xalqaro olimpiadalar va mintaqaviy xalqaro olimpiadalarning roʻyxati Vazirlar Mahkamasi tomonidan tasdiqlanadi;
v) 2025-yil 1-yanvardan boshlab nufuzli xalqaro olimpiadalarda ishtirok etadigan terma jamoalar rahbarlarini jamoaning natijasiga qarab ragʻbatlantirish tartibi joriy etiladi. Bunda:
terma jamoalar rahbarlari nufuzli xalqaro olimpiadalarda erishilgan har bir oltin, kumush, bronza medallari uchun tegishlicha bazaviy hisoblash miqdorining 35, 25, 15 baravari miqdorida bir martalik pul mukofoti bilan taqdirlanadi;
terma jamoalar rahbarlarini pul mukofoti bilan taqdirlash 2027-yilga qadar — Davlat budjetidan, 2027-yildan boshlab — Markazning budjetdan tashqari mablagʻlari hisobidan amalga oshiriladi;
g) 2025-yil 1-yanvardan boshlab:
asosiy fan olimpiadalarining hududiy va respublika bosqichlarida hamda xalqaro olimpiadalarda gʻoliblikni qoʻlga kiritgan oʻquvchilar, ularning oʻqituvchilari va terma jamoalar rahbarlariga toʻlanadigan pul mukofotlari va beriladigan sovgʻalar daromad soligʻidan ozod etiladi;
terma jamoalar rahbarlari, kuzatuvchilari va oʻquvchilarning xalqaro olimpiadalardagi ishtirokini taʼminlash bilan bogʻliq, shu jumladan sutkalik, yashash, sugʻurta va transport xarajatlari Davlat budjetidan Maktabgacha va maktab taʼlimi vazirligiga ajratilgan mablagʻlar hisobidan qoplanadi;
xalqaro olimpiadalarda qatnashish uchun jalb etiladigan oʻquvchilar oʻquv yigʻinlari davrida Davlat budjeti mablagʻlari hisobidan bepul oziq-ovqat va yotoqxona bilan taʼminlanadi.
5. Maktabgacha va maktab taʼlimi vazirligi:
a) 2025-yil 1-dekabrga qadar:
xalqaro va mahalliy fan olimpiadalari natijalarining doimiy statistikasini yuritish, onlayn fan olimpiadalarini tashkil qilish va oʻtkazish hamda olimpiadalar ishtirokchilarining maʼlumotlar bazasini shakllantirish imkonini beruvchi elektron platforma yaratsin;
Oʻzbekistonda oʻtkaziladigan buyuk allomalar nomi bilan ataladigan xalqaro fan olimpiadalari toʻgʻrisidagi maʼlumotlar joylashtiriladigan, mahalliy va xorijiy oʻquvchilarning ushbu olimpiadalarda ishtirok etish uchun roʻyxatdan oʻtishlarini taʼminlaydigan maxsus saytni ishga tushirsin;
b) 2025-yil 1-mayga qadar fan olimpiadalarini tashkil etish, oʻtkazish hamda xalqaro olimpiadalar ishtirokchilarini saralash va gʻoliblarni ragʻbatlantirish tartibini takomillashtirsin. Bunda:
asosiy fan olimpiadalarining respublika bosqichi gʻoliblariga medal berish tizimini joriy etishni;
tabiiy fanlar boʻyicha olimpiadalarning respublika bosqichida oʻquvchilar tomonidan amaliy topshiriqlar bajarilishini nazarda tutsin.
6. Belgilansinki, yurtimiz va buyuk ajdodlarimizning dunyo ilm-fan rivojiga qoʻshgan hissasini targʻib etish maqsadida quyidagi xalqaro olimpiadalar oʻtkazib boriladi:
millatlararo totuvlik va bagʻrikenglik hissini shakllantirish, madaniy-maʼrifiy aloqalarni mustahkamlashga yoʻnaltirilgan Buyuk Sharq Renessansi xalqaro olimpiadasi;
Al-Xorazmiy nomidagi xalqaro matematika va informatika olimpiadasi;
Abu Rayhon Beruniy nomidagi xalqaro kimyo olimpiadasi;
Ahmad al-Fargʻoniy nomidagi xalqaro fizika olimpiadasi;
Abu Ali Ibn Sino nomidagi xalqaro biologiya olimpiadasi.
7. Toshkent shahri, Yunusobod tumani, “Otchopar-1” MFY, Darvozakent koʻchasi, 60-uy manzilidagi bino-inshootlar Markazga operativ boshqaruv huquqi asosida oʻtkazilsin.
(7-bandning birinchi xatboshisi Oʻzbekiston Respublikasi Prezidentining 2026-yil 5-fevraldagi PF-19-sonli Farmoni tahririda — Qonunchilik maʼlumotlari milliy bazasi, 07.02.2026-y., 06/26/19/0118-son)
Maktabgacha va maktab taʼlimi vazirligi Iqtisodiyot va moliya vazirligi bilan birgalikda Toshkent shahri, Yunusobod tumani, Otchopar koʻchasi, 1-uyda joylashgan bino va inshootlarni Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida rekonstruksiya qilish, mukammal taʼmirlash hamda jihozlash boʻyicha Vazirlar Mahkamasiga taklif kiritsin.
8. Markazga:
nodavlat fan olimpiadalari va tanlovlarni tashkil etish hamda oʻtkazish bilan bogʻliq pullik xizmatlarni koʻrsatishga;
xalqaro tijoriy (pullik) va notijoriy fan olimpiadalari va tanlovlarni oʻtkazishga;
mahalliy va xorijiy mutaxassislarni toʻgʻridan-toʻgʻri fuqarolik-huquqiy shartnomalar asosida jalb etishga ruxsat berilsin.
9. Iqtidorli yoshlar bilan ishlash tizimini yanada takomillashtirish boʻyicha “yoʻl xaritasi” 2-ilovaga muvofiq tasdiqlansin.
10. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 3-ilovaga muvofiq oʻzgartirish va qoʻshimchalar kiritilsin.
11. Axborot va ommaviy kommunikatsiyalar agentligi Oʻzbekiston Milliy axborot agentligi, Oʻzbekiston Milliy teleradiokompaniyasi hamda Maktabgacha va maktab taʼlimi vazirligi bilan birgalikda ommaviy axborot vositalarida mazkur qarorning maqsad va vazifalarini keng koʻlamda yoritsin.
12. Maktabgacha va maktab taʼlimi vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 30-sentabr,
PQ-346-son
Oʻzbekiston Respublikasi Prezidentining 2024-yil 30-sentabrdagi PQ-346-son qaroriga1-ILOVA
Nufuzli xalqaro olimpiadalar, xalqaro olimpiadalar va mintaqaviy xalqaro olimpiadalar gʻoliblari, ularning oʻqituvchilari va terma jamoalar rahbarlariga toʻlanadigan bir martalik pul mukofoti miqdori*
T/rOʻrin(medal)Pul mukofotini oluvchi Bir martalik pul mukofoti miqdori(bazaviy hisoblash miqdorining baravari)nufuzli xalqaro olimpiada uchunxalqaro olimpiada uchunmintaqaviy xalqaro olimpiada uchun1.1-oʻrin(oltin medal)Gʻolib2 500150122.Oʻqituvchi45050503.Terma jamoarahbari35––4.2-oʻrin(kumush medal)Gʻolib1 50010085.Oʻqituvchi25035356.Terma jamoa rahbari25––7.3-oʻrin (bronza medali)Gʻolib1 0005068.Oʻqituvchi15030309.Terma jamoa rahbari15––
*Nufuzli xalqaro olimpiadalar, xalqaro olimpiadalar va mintaqaviy xalqaro olimpiadalarning roʻyxati Vazirlar Mahkamasi tomonidan tasdiqlanadi.
(1-ilova Oʻzbekiston Respublikasi Prezidentining 2025-yil 15-maydagi PF-86-sonli Farmoni tahririda — Qonunchilik maʼlumotlari milliy bazasi, 20.05.2025-y., 06/25/86/0456-son)
Oʻzbekiston Respublikasi Prezidentining 2024-yil 30-sentabrdagi PQ-346-son qaroriga 2-ILOVA
Iqtidorli yoshlar bilan ishlash tizimini yanada takomillashtirish boʻyicha
Oʻzbekiston Respublikasi Prezidentining 2024-yil 30-sentabrdagi PQ-346-son qaroriga 3-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2019-yil 3-maydagi “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari toʻgʻrisida”gi PQ-4306-son qarorida:
a) 1 va 2-bandlar oʻz kuchini yoʻqotgan deb hisoblansin;
b) 3-bandda:
ikkinchi xatboshi “tasdiqlansin” soʻzi bilan toʻldirilsin;
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
v) 4-bandning uchinchi xatboshisidagi “Oliy va oʻrta maxsus taʼlim vazirligi” soʻzlari “Oliy taʼlim, fan va innovatsiyalar vazirligi” soʻzlari bilan almashtirilsin;
g) 6-band quyidagi tahrirda bayon etilsin:
“6. Maktabgacha va maktab taʼlimi vazirligi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi bilan birgalikda umumiy oʻrta taʼlim maktablarining 4 — 11 sinf, akademik litsey va kasb-hunar maktablari oʻquvchilari uchun har chorakda onlayn tarzda olimpiadalar tashkil qilish orqali iqtidorli oʻquvchilar zaxirasini shakllantirsin hamda zaxiraga kiritilgan yoshlarga yetkazish maqsadida chuqurlashtirilgan nazorat materiallari, shu jumladan, test, yozma ishlar uchun masalalarni har oyda Maktabgacha va maktab taʼlimi vazirligi veb-saytiga joylashtirib borilishini taʼminlasin”;
d) 7-bandning “b” kichik bandidagi “Yoshlar ishlari agentligiga” soʻzlari “Maktabgacha va maktab taʼlimi vazirligiga” soʻzlari bilan almashtirilsin;
e) 1-ilovaning izoh qismi chiqarib tashlansin;
j) 2-ilova oʻz kuchini yoʻqotgan deb hisoblansin.
2. Vazirlar Mahkamasining 2005-yil 21-dekabrdagi “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 275-son qarorida:
a) 2-band quyidagi tahrirda bayon etilsin:
“2. Quyidagilar:
Maktab va maktabdan tashqari taʼlim, madaniyat va sport muassasalari pedagog va boshqa xodimlari mehnatiga haq toʻlash boʻyicha bazaviy tarif stavkalari miqdorlari 1-ilovaga muvofiq;
Maktab va maktabdan tashqari taʼlim, madaniyat va sport muassasalari rahbar xodimlari mehnatiga haq toʻlash boʻyicha bazaviy tarif stavkalari miqdorlari 2-ilovaga muvofiq;
Davlat maktabgacha taʼlim tizimi rahbar, pedagog va boshqa xodimlari mehnatiga haq toʻlash miqdorlari 2a-ilovaga muvofiq;
Tuman (shahar) maktabgacha va maktab taʼlimi boʻlimlari xodimlari mehnatiga haq toʻlash miqdorlari 2b-ilovaga muvofiq;
Xalq taʼlimi xodimlari mehnatiga haq toʻlash toʻgʻrisidagi nizom 3-ilovaga muvofiq”;
b) 4-bandda:
“b” kichik band quyidagi tahrirda bayon etilsin:
“b) daftarlarni va yozma ishlarni tekshirganlik uchun (oʻquvchilar ikki guruhga boʻlib oʻqitiladigan fanlar boʻyicha ham) ajratilgan dars soatlariga mutanosib ravishda sinfdagi (sinf — komplektdagi) oʻquvchilar soni 15 nafargacha boʻlganda — 8,8 foiz, 15 nafar va undan ortiq boʻlganda — 17,6 foiz”;
quyidagi mazmundagi “g” kichik band bilan toʻldirilsin:
“g) laboratoriya xonasi mavjud boʻlganda, fizika yoki kimyo fani oʻqituvchilaridan biriga — 50 foiz”;
v) 1-ilovaning matni quyidagi tahrirda bayon etilsin:
“Maktab va maktabdan tashqari taʼlim, madaniyat va sport muassasalari pedagog va boshqa xodimlari mehnatiga haq toʻlash boʻyicha bazaviy tarif stavkalari miqdorlari
Izoh:
Maktabdan tashqari muassasalar boʻlim, seksiya, laboratoriya, kabinet mudirining ish haqi miqdori (kontingentdan qatʼi nazar) ikkinchi malaka toifali toʻgarak rahbarining ish haqiga teng miqdorda belgilanadi.
Ixtisoslashtirilgan taʼlim muassasalari agentligi tizimidagi maktablar toʻgarak rahbarlarining bazaviy tarif stavkasi miqdorlari davlat umumiy oʻrta taʼlim muassasalari oliy maʼlumotli oʻqituvchisi bazaviy tarif stavkasining 80 foizi miqdorida belgilanadi”;
g) 2-ilovaning matni quyidagi tahrirda bayon etilsin:
“Maktab va maktabdan tashqari taʼlim, madaniyat va sport muassasalari rahbar xodimlari mehnatiga haq toʻlash boʻyicha bazaviy tarif stavkalari miqdorlari
T/r Lavozimlar nomi Mehnatga haq toʻlashning eng kam miqdoriga nisbatan (koeffitsiyentda) I guruh II guruh III guruh IV guruh I Rahbarlar 1.1 Umumiy oʻrta taʼlim tashkiloti direktori 4,870 4,604 4,342 4,066 1.2 “Mehribonlik” uyi direktori 4,342 4,066 x x 1.3 Maktabdan tashqari muassasa direktori 1,795 1,668 1,547 x 1.4 “Barkamol avlod” bolalar maktabi direktori 2,782 2,586 2,398 x 1.5 Respublika dam olish maskani direktori 3,738 3,501 3,501 x 1.6 Oliy sport mahorati maktabi, sport turlari boʻyicha ixtisoslashtirilgan olimpiya zaxiralari bolalar-oʻsmirlar sport maktabi direktori 3,037 x x x 1.7 Bolalar sport maktabi direktori 2,845 2,657 2,487 x 1.8 Bolalar musiqa va sanʼat maktabi direktori 3,704 3,467 x x II Rahbarlarning oʻrinbosarlari 2.1 Umumiy oʻrta taʼlim tashkiloti direktorining oʻrinbosarlari (2.8-banddan tashqari), maktab maslahatchisi 4,604 4,342 4,066 3,798 2.2 “Mehribonlik” uyi direktorining oʻrinbosari 4,066 3,798 x x 2.3 Maktabdan tashqari muassasa direktorining oʻrinbosarlari (2.8-banddan tashqari) 1,668 1,547 1,430 x 2.4 “Barkamol avlod” bolalar maktabi direktorining oʻrinbosarlari (2.8-banddan tashqari) 2,586 2,398 2,217 x 2.5 Oliy sport mahorati maktabi, sport turlari boʻyicha ixtisoslashtirilgan olimpiya zaxiralari bolalar-oʻsmirlar sport maktabi direktorining oʻrinbosari 2,845 x x x 2.6 Sport maktabi direktorining oʻrinbosari, filial direktorlari 2,657 2,487 2,318 x 2.7 Bolalar musiqa va sanʼat maktabi direktorining oʻquv-maʼrifiy ishlar boʻyicha oʻrinbosari 3,467 3,231 x x 2.8 Direktorning xoʻjalik ishlari boʻyicha oʻrinbosari 1,980 1,828 1,681 1,541
Izoh: umumiy oʻrta taʼlim tashkilotlarining Vatanparvarlik ruhida yoshlarni tayyorlash boʻyicha direktor oʻrinbosari — Harbiy chaqiriqqacha tayyorgarlik rahbarining ish haqi miqdori umumtaʼlim maktabining oliy maʼlumotli (toifasiz) oʻqituvchisi bazaviy tarif stavkasi miqdoriga tenglashtiriladi”;
d) quyidagi mazmundagi 2a-ilova bilan toʻldirilsin:
“Vazirlar Mahkamasining 2005-yil 21-dekabrdagi 275-son qaroriga 2a-ILOVA
Davlat maktabgacha taʼlim tizimi rahbar, pedagog va boshqa xodimlari mehnatiga haq toʻlash miqdorlari
1. Davlat maktabgacha taʼlim tizimi pedagog va boshqa xodimlari mehnatiga haq toʻlash boʻyicha bazaviy tarif stavkalari miqdorlari:
*Mazkur bazaviy tarif stavkasi oliy taʼlim muassasalarining pedagogika yoʻnalishlarida kunduzgi, kechki, sirtqi boʻlimlarning 3 va undan yuqori kurslarida oʻqiyotgan shaxslar tomonidan bajarilgan ishlar uchun haq toʻlashda qoʻllanadi.
2. Davlat maktabgacha taʼlim tashkiloti rahbarlari mehnatiga haq toʻlash boʻyicha bazaviy tarif stavkalari miqdorlari:
Izoh:
Davlat maktabgacha taʼlim tashkiloti direktorining bazaviy tarif stavkasi tashkilotlar guruhidan kelib chiqib belgilanadi.
Bunda 9 ta va undan ortiq guruhlari mavjud davlat maktabgacha taʼlim tashkilotlari I guruh, 8 tagacha guruhlari mavjud davlat maktabgacha taʼlim tashkilotlari II guruhga mansub hisoblanadi”;
e) quyidagi mazmundagi 2b-ilova bilan toʻldirilsin:
“Vazirlar Mahkamasining 2005-yil 21-dekabrdagi 275-son qaroriga 2b-ILOVA
Tuman (shahar) maktabgacha va maktab taʼlimi boʻlimlari xodimlari mehnatiga haq toʻlash miqdorlari
1. Tuman (shahar) maktabgacha va maktab taʼlimi boʻlimlari xodimlarining mehnatiga haq toʻlash boʻyicha bazaviy tarif stavkalari miqdorlari:
2. Markazlashtirilgan moliya-buxgalteriya xizmati xodimlari mehnatiga haq toʻlash boʻyicha bazaviy tarif stavkalari miqdorlari:
3. Maxsus taʼmirlash-ekspluatatsiya xizmati xodimlari mehnatiga haq toʻlash boʻyicha bazaviy tarif stavkalari miqdorlari:
3.1. Maxsus taʼmirlash-ekspluatatsiya xizmati xodimlari mehnatiga haq toʻlash razryadlari:
*Mazkur lavozimlar boʻyicha mehnatga haq toʻlash razryadlari amaldagi qonunchilikka asosan belgilanadi”;
j) 3-ilovada:
5-band chiqarib tashlansin;
10-bandda:
“b” kichik band quyidagi tahrirda bayon etilsin:
“b) daftarlarni va yozma ishlarni tekshirganlik uchun (oʻquvchilar ikki guruhga boʻlib oʻqitiladigan fanlar boʻyicha ham) ajratilgan dars soatlariga mutanosib ravishda sinfdagi (sinf — komplektdagi) oʻquvchilar soni 15 nafargacha boʻlganda — 8,8 foiz, 15 nafar va undan ortiq boʻlganda — 17,6 foiz”;
quyidagi mazmundagi “g” kichik band bilan toʻldirilsin:
“g) laboratoriya xonasi mavjud boʻlganda, fizika yoki kimyo fani oʻqituvchilaridan biriga — 50 foiz”;
21-band quyidagi mazmundagi ikkinchi xatboshi bilan toʻldirilsin:
“Bunda direktor jamgʻarmasi hisobidan yangi oʻquv yili uchun tayinlangan ustamalar joriy yilning 1-sentabridan boshlab kelgusi yilning 31-avgustiga qadar toʻlab boriladi”;
22-band quyidagi mazmundagi ikkinchi xatboshi bilan toʻldirilsin:
“Bunda ushbu fanlar boʻyicha oʻqituvchilar mavjud boʻlsa boʻlib oʻqitishga ruxsat etiladi”.
3. Vazirlar Mahkamasining 2021-yil 9-sentabrdagi “Iqtidorli oʻquvchilar oʻrtasida fan olimpiadalarini oʻtkazish tizimini takomillashtirish hamda xorijiy tillarni oʻqitish boʻyicha eng yaxshi maktabni aniqlash tizimini joriy etish toʻgʻrisida”gi 562-son qarorida:
a) 2-bandda:
birinchi xatboshi quyidagi tahrirda bayon etilsin:
“2. Oʻzbekiston Respublikasi Iqtisodiyot va moliya vazirligi mazkur qarorda nazarda tutilgan xarajatlarni Maktabgacha va maktab taʼlimi vazirligi tomonidan taqdim etiladigan talabnomaga asosan Oʻzbekiston Respublikasi Davlat budjeti parametrlarida nazarda tutib borsin”;
“v” kichik bandning ikkinchi xatboshisidagi “Xalq taʼlimi vazirligining” soʻzlari “Maktabgacha va maktab taʼlim vazirligining” soʻzlari bilan almashtirilsin;
b) 3-banddagi “Xalq taʼlimi vazirligi Moliya vazirligi” soʻzlari “Maktabgacha va maktab taʼlimi vazirligi Iqtisodiyot va moliya vazirligi” soʻzlari bilan almashtirilsin;
v) 6-band quyidagi tahrirda bayon etilsin:
“6. Mazkur qarorning bajarilishini nazorat qilish Oʻzbekiston Respublikasi maktabgacha va maktab taʼlimi vaziri X.U. Umarova zimmasiga yuklansin”;
g) 1-ilovada:
2-bandning ikkinchi xatboshisidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;
9-band quyidagi tahrirda bayon etilsin:
“9. Olimpiadalarni tashkil etish uchun Vazirlik, Qoraqalpogʻiston Respublikasi Maktabgacha va maktab taʼlimi vazirligi, Toshkent shahar va viloyatlar maktabgacha va maktab taʼlimi boshqarmalari (keyingi oʻrinlarda — hududiy maktabgacha va maktab taʼlimi boshqarmalari), tuman (shahar) maktabgacha va maktab taʼlimi boʻlimlarida har bir olimpiada hamda uning bosqichlarini oʻtkazish boʻyicha respublika va hududiy tashkiliy qoʻmita (keyingi oʻrinlarda — tashkiliy qoʻmita ) tuziladi”;
12-band quyidagi tahrirda bayon etilsin:
“12. Tashkiliy qoʻmita tarkibiga Vazirlik, Oliy taʼlim, fan va innovatsiyalar vazirligi, Bilim va malakalarni baholash agentligi hamda Ixtisoslashtirilgan taʼlim muassasalari agentligining masʼul xodimlari va boshqa mahalliy davlat hokimiyati organlari vakillari kiritilishi mumkin”;
33-bandning oʻn birinchi xatboshisidagi “xalq taʼlimi boʻlimi” soʻzlari “maktabgacha va maktab taʼlimi boʻlimi” soʻzlari bilan almashtirilsin;
34-band quyidagi tahrirda bayon etilsin:
“34. Ikkinchi bosqich tuman (shahar) maktabgacha va maktab taʼlimi boʻlimlari tomonidan birinchi bosqichda gʻolib boʻlgan oʻquvchilar oʻrtasida oʻtkaziladi.
Akademik litsey hamda Ixtisoslashtirilgan taʼlim muassasalari agentligi tizimidagi Prezident, ijod maktablari hamda Abu Ali ibn Sino, Mirzo Ulugʻbek, Muhammad al-Xorazmiy nomidagi ixtisoslashtirilgan maktablar va ushbu maktablarning hududlardagi filiallarining birinchi bosqich gʻoliblari ikkinchi bosqichda ishtirok etmasdan toʻgʻridan-toʻgʻri uchinchi bosqichda ishtirok etadilar.
Ixtisoslashtirilgan taʼlim muassasalari agentligi tizimidagi boshqa maktablarning birinchi bosqich gʻoliblari joylashuvi boʻyicha asosiy olimpiadalarning ikkinchi bosqichida ishtirok etadi”;
36-bandning uchinchi xatboshisidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;
37 va 38-bandlardagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;
39-bandning uchinchi xatboshisi quyidagi tahrirda bayon etilsin:
“akademik litseylar hamda Ixtisoslashtirilgan taʼlim muassasalari agentligi tizimidagi Prezident, ijod maktablari hamda Abu Ali ibn Sino, Mirzo Ulugʻbek, Muhammad al-Xorazmiy nomidagi ixtisoslashtirilgan maktablar va ushbu maktablarning hududlardagi filiallari tomonidan tavsiya etilgan 3 nafargacha oʻquvchilar”;
41-banddagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;
43-band quyidagi tahrirda bayon etilsin:
“43. Toʻrtinchi bosqich uchun nazorat materiallari hamda ularni baholash mezonlari Vazirlik tomonidan tayyorlanadi”;
44-band “matematika” soʻzidan keyin “, tarix, rus tili va adabiyoti” soʻzlari bilan toʻldirilsin;
59-bandning toʻrtinchi xatboshisidagi “Prezident taʼlim muassasalari agentligi” soʻzlari “Ixtisoslashtirilgan taʼlim muassasalari agentligi” soʻzlari bilan almashtirilsin;
70-banddagi “elektron sertifikatlar” soʻzlari “diplom” soʻzi bilan almashtirilsin;
73-band quyidagi tahrirda bayon etilsin:
“73. Nufuzli xalqaro olimpiadalar gʻoliblarining oʻqituvchilari hamda taʼlim muassasalari direktorlari belgilangan tartibda ragʻbatlantiriladi”;
76-band quyidagi tahrirda bayon etilsin:
“76. Olimpiada gʻoliblari va ularning oʻqituvchilarini ragʻbatlantirish xarajatlari Vazirlikka Oʻzbekiston Respublikasining respublika budjetidan ajratiladigan mablagʻlar hisobidan qoplanadi.
Ushbu Nizomga 2-ilovada keltirilgan roʻyxatdagi xalqaro olimpiadalar gʻoliblari va ularning oʻqituvchilari uchun pul mukofotlarini toʻlash Oʻzbekiston Respublikasi Prezidentining 2024-yil 30-sentabrdagi PQ-346-son qaroriga muvofiq amalga oshiriladi”;
77 va 78-bandlar quyidagi tahrirda bayon etilsin:
“77. Asosiy olimpiadalarni tashkil etish bilan bogʻliq xarajatlar tegishliligi boʻyicha tuman (shahar) maktabgacha va maktab taʼlimi boʻlimlari, hududiy maktabgacha va maktab taʼlimi boshqarmalari hamda Vazirlikning har yilgi markazlashgan xarajatlar smetasida rejalashtiriladi.
78. Mazkur Nizomning 2-ilovasida keltirilgan xalqaro olimpiadalar terma jamoa aʼzolari va rahbarlarining ishtiroki bilan bogʻliq barcha xarajatlar Vazirlik tomonidan qoplanadi”;
79-bandda:
birinchi xatboshidagi “Oʻzbekiston Respublikasi Xalq taʼlimi vazirligining” soʻzlari “Vazirlikning” soʻzi bilan almashtirilsin;
uchinchi xatboshidagi “nufuzli” soʻzi chiqarib tashlansin;
80-banddagi “nufuzli” soʻzi chiqarib tashlansin;
81-bandda:
toʻrtinchi xatboshi quyidagi tahrirda bayon etilsin:
“xalqaro olimpiadalarda ishtirok etuvchi terma jamoani saralash bosqichlari uchun tayyorlangan har bir topshiriq (uning yechimi bilan) uchun — mehnatga haq toʻlashning eng kam miqdoriga nisbatan 50 foiz miqdorida”;
beshinchi xatboshidan “nufuzli” soʻzi chiqarib tashlansin;
82-bandning birinchi xatboshisidan “nufuzli” soʻzi chiqarib tashlansin;
83-band quyidagi tahrirda bayon etilsin:
“83. Xalqaro olimpiadalarda oʻquvchilarning muvaffaqiyatli ishtirokini taʼminlash maqsadida, ularning yuqori darajada tayyorgarlik koʻrishlari uchun Fan olimpiadalari markazida hamda “Renessans” oromgohida oʻquv bazasi tashkil etiladi, barcha zarur sharoitlar taʼminlanadi va Vazirlik tomonidan oʻquv jarayonlariga respublika va xorijlik malakali mutaxassislar jalb qilinadi”;
84-band quyidagi tahrirda bayon etilsin:
“84. Oliy taʼlim, fan va innovatsiyalar vazirligi hamda Ixtisoslashtirilgan taʼlim muassasalari agentligi xalqaro olimpiadalarga jalb qilingan mahalliy va xorijiy mutaxassislar hamda terma jamoa aʼzolarini yotoqxona va transport xizmati bilan taʼminlaydi”;
85-band quyidagi tahrirda bayon etilsin:
“85. Xalqaro olimpiadalarda Oʻzbekiston terma jamoasining ishtirok etishi Vazirlik tomonidan muvofiqlashtirib boriladi”;
1-ilovada:
quyidagi mazmundagi 19 va 20-pozitsiyalar bilan toʻldirilsin:
quyidagi mazmundagi izoh bilan toʻldirilsin:
“Izoh: mazkur roʻyxatga Maktabgacha va maktab taʼlimi vazirligi tomonidan Vazirlar Mahkamasi bilan kelishilgan holda oʻzgartirishlar kiritilishi mumkin”;
2-ilova quyidagi tahrirda bayon etilsin:
“Umumiy oʻrta taʼlim tashkilotlari, akademik litsey va kasb-hunar maktablari oʻquvchilari oʻrtasida fan olimpiadalarini tashkil etish, oʻtkazish hamda xalqaro olimpiadalar ishtirokchilarini saralash va gʻoliblarni ragʻbatlantirish tartibi toʻgʻrisidagi nizomga 2-ILOVA
Xalqaro olimpiadalar
Izoh: mazkur roʻyxatga Maktabgacha va maktab taʼlimi vazirligi tomonidan Vazirlar Mahkamasi bilan kelishilgan holda oʻzgartirishlar kiritilishi mumkin”.