Xalqaro shartnomani tasdiqlash toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Qonunning 22-moddasiga muvofiq qaror qilaman:

1. 2026-yil 10-iyun kuni Toshkent shahrida imzolangan Oʻzbekiston Respublikasi Hukumati bilan Shvetsiya Qirolligi Hukumati oʻrtasida migratsiya va mobillik sohasida keng qamrovli sheriklik toʻgʻrisidagi bitim tasdiqlansin.

2. Ushbu xalqaro shartnomani amalga oshirish uchun:

(a) Migratsiya agentligi — tashqi mehnat migratsiyasi qismi boʻyicha;

(b) Ichki ishlar vazirligi — readmissiya qismi boʻyicha;

(v) Oliy taʼlim, fan va innovatsiyalar vazirligi — talabalar va akademik almashinuv qismi boʻyicha;

(g) Tashqi ishlar vazirligi — diplomatik pasport egalarini viza talablaridan ozod etish qismi boʻyicha masʼul boʻlgan vakolatli organlar etib belgilansin.

3. Tashqi ishlar vazirligi Oʻzbekiston Respublikasi tomonidan ushbu xalqaro shartnomaning kuchga kirishi uchun zarur boʻlgan davlat ichki tartib-taomillari bajarilganligi hamda uni amalga oshirish uchun masʼul boʻlgan vakolatli organlar toʻgʻrisida Shvetsiya tomoniga tegishli bildirishnoma yuborsin.

4. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin uning qoidalari amalga oshirilishi ustidan belgilangan tartibda nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 11-sentabr,

PQ-322-son