HuquqTech
Soliqni tartibga solishni takomillashtirish hisobiga muomala xarajatlarini kamaytirishda savdo korxonalarining manfaatdorligini oshirish uchun qulay shart-sharoitlarni yaratish soliq solish tizimini soddalashtirish va bir xil qilish, soliqlar toʻliq yigʻilishini taʼminlash maqsadida:
1. 1999-yilning 1-yanvaridan boshlab savdo va umumiy ovqatlanish korxonalari umumdavlat hamda mahalliy soliqlar va yigʻimlarning quyidagi turlarini toʻlashdan ozod qilinsin:
ekologiya soligʻi;
suv resurslaridan foydalanganlik uchun soliq;
yer osti boyliklaridan fondalanganlik uchun soliq;
er soligʻi;
ijtimoiy infratuzilmani rivojlantirish soligʻi;
boshqa mahalliy soliqlar va yigʻimlar.
2. Belgilab qoʻyilsinki, savdo va umumiy ovqatlanish korxonalari ushbu Farmonning 1-bandida koʻrsatilgan jami umumdavlat hamda mahalliy soliqlar va yigʻimlar oʻrniga quyidagi soliqlarni toʻlaydilar:
yalpi daromad soligʻi;
mulk soligʻi.
(3-band Oʻzbekiston Respublikasi Prezidentining 2001-yil 14-maydagi PF-2841-sonli Farmoniga asosan chiqarib tashlangan — Oliy Majlis Axborotnomasi, 2001-y., 5-son, 105-modda)
4. Savdo va umumiy ovqatlanish korxonalari uchun:
mulk soligʻi;
bojxona toʻlovlari, davlat boji, litsenziya yigʻimlari, budjetdan tashqari jamgʻarmalarga ajratmalar toʻlashning amaldagi tartibi saqlab qolinsin.
5 Oʻzbekiston Respublikasi Adliya vazirligi, Moliya vazirligi, Davlat soliq qoʻmitasi tegishli vazirliklar va idoralar bilan birgalikda ikki hafta muddatda amaldagi qonunchilikka ushbu Farmondan kelib chiqadigan oʻzgartish va qoʻshimchalar boʻyicha takliflarni Oʻzbekiston Respublikasi Vazirlar Mahkamasiga kiritsinlar.
6. Mazkur Farmonning bajarilishini nazorat qilish Oʻzbekiston Respublikasi Bosh vazirining oʻrinbosari B. Hamidov zimmasiga yuklansin.
Oʻzbekiston Respublikasining Prezidenti I. KARIMOV
Toshkent sh.,
1998-yil 3-dekabr,
PF-2151-son