HuquqTech
Bank sohasidagi qonunchilik hujjatlarida bir-birini takrorlaydigan vazifa va funksiyalarni bartaraf etish hamda oʻz ahamiyatini yoʻqotgan normalarni bekor qilish maqsadida:
1. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlari ilovaga muvofiq oʻz kuchini yoʻqotgan deb hisoblansin.
2. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 18-oktabr,
PF-6325-son
Oʻzbekiston Respublikasi Prezidentining 2021-yil 18-oktabrdagi PF-6325-son Farmoniga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim hujjatlari
1. Oʻzbekiston Respublikasi Prezidentining 1995-yil 12-maydagi “Xalq xoʻjaligida hisob-kitoblar oʻz vaqtida oʻtkazilishi uchun korxona va tashkilotlar rahbarlarining masʼuliyatini oshirish borasidagi chora-tadbirlar toʻgʻrisida”gi PF-1154-son Farmonining 5-bandi.
2. Oʻzbekiston Respublikasi Prezidentining 2014-yil 7-apreldagi “Oʻzbekiston Respublikasida investitsiya iqlimi va ishbilarmonlik muhitini yanada takomillashtirishga doir qoʻshimcha chora-tadbirlar toʻgʻrisida”gi PF-4609-son Farmonining 7-bandi.
3. Oʻzbekiston Respublikasi Prezidentining 2020-yil 12-maydagi “2020 — 2025-yillarga moʻljallangan Oʻzbekiston Respublikasining bank tizimini isloh qilish strategiyasi toʻgʻrisida”gi PF-5992-son Farmoniga 2-ilovaning 13-pozitsiyasi.
4. Oʻzbekiston Respublikasi Prezidentining 2005-yil 5-avgustdagi “Banklardagi depozit hisobvaraqlardan naqd pul toʻlovlarini uzluksiz taʼminlash kafolatlari toʻgʻrisida”gi PQ-147-son qarori.
5. Vazirlar Mahkamasining 1994-yil 11-iyuldagi “Muomaladagi naqd pullarni kamaytirishga oid chora-tadbirlar toʻgʻrisida”gi 356-son qarori.
6. Vazirlar Mahkamasining 1995-yil 3-fevraldagi “Naqd pul tushumidan foydalanishni tartibga solish toʻgʻrisida”gi 29-son qarori.
7. Vazirlar Mahkamasining 1997-yil 11-dekabrdagi “Respublikada savdo tushumi inkassatsiya qilishini va nazorat-kassa mashinalaridan foydalanishni tubdan yaxshilash chora-tadbirlari toʻgʻrisida”gi 548-son qarori.
8. Vazirlar Mahkamasining 1998-yil 4-avgustdagi “Debitorlik va kreditorlik qarzlari toʻgʻriligini tekshirish toʻgʻrisida”gi 332-son qarori.
9. Vazirlar Mahkamasining 1999-yil 20-apreldagi “1999-yilning II choragi uchun naqd pul emissiyasi darajasi va kassa rejasi parametrlari toʻgʻrisida”gi 186-son qarori.
10. Vazirlar Mahkamasining 1999-yil 10-iyuldagi “1999-yilning III choragi uchun naqd pul emissiyasi darajasi va kassa rejasi parametrlari toʻgʻrisida”gi 338-son qarori.
11. Vazirlar Mahkamasining 1999-yil 26-iyuldagi “Korxonalarning bankrotligi toʻgʻrisidagi qonunchilikni amalga oshirishga doir qoʻshimcha chora-tadbirlar haqida”gi 362-son qarori.
12. Vazirlar Mahkamasining 1999-yil 17-noyabrdagi “Ish haqi boʻyicha hisob-kitoblar oʻz vaqtida amalga oshirilishi uchun vazirliklar, idoralar va xoʻjalik yurituvchi subyektlar rahbarlarining javobgarligini oshirishga doir qoʻshimcha chora-tadbirlar toʻgʻrisida”gi 504-son qarori.
13. Vazirlar Mahkamasining 2000-yil 19-apreldagi “2000-yilning II choragi uchun naqd pul emissiyasi darajasi va kassa rejasi parametrlari toʻgʻrisida”gi 154-son qarori.
14. Vazirlar Mahkamasining 2001-yil 25-yanvardagi “2001-yilgi naqd pul emissiyasi darajasi va kassa rejasi parametrlari toʻgʻrisida”gi 53-son qarori.
15. Vazirlar Mahkamasining 2001-yil 22-iyundagi “Naqd pul muomalasini mustahkamlash va tijorat banklarining masʼuliyatini oshirishga doir qoʻshimcha chora-tadbirlar toʻgʻrisida”gi 264-son qarori.
16. Vazirlar Mahkamasining 2002-yil 19-martdagi “Ish haqi oʻz vaqtida toʻlanishiga doir qoʻshimcha chora-tadbirlar toʻgʻrisida”gi 88-son qarori.
17. Vazirlar Mahkamasining 2002-yil 5-avgustdagi “Pul mablagʻlarining bankdan tashqari muomalasini yanada qisqartirish chora-tadbirlari toʻgʻrisida”gi 280-son qarori.
18. Vazirlar Mahkamasining 2004-yil 24-sentabrdagi “Plastik kartochkalar asosida hisob-kitob qilish tizimini yanada rivojlantirish chora-tadbirlari toʻgʻrisida”gi 445-son qarori.
19. Vazirlar Mahkamasining 2004-yil 1-noyabrdagi 511-son qarori bilan tasdiqlangan Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomning 8-bandi hamda ushbu Nizomga 1-ilova.