255-modda. Yadro qurilmalaridan foydalanish qoidalarini buzish

Yadro energiyasi bilan bogʻliq obyektlardan foydalanish qoidalarini buzish badanga oʻrtacha ogʻir yoki ogʻir shikast yetkazilishiga sabab boʻlsa, —

bazaviy hisoblash miqdorining ellik baravaridan yuz baravarigacha miqdorda jarima yoki uch yilgacha axloq tuzatish ishlari yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

Oʻsha qilmish:

a) odam oʻlishiga;

b) boshqa ogʻir oqibatlarga sabab boʻlsa, —

muayyan huquqdan mahrum qilib, besh yildan oʻn yilgacha ozodlikdan mahrum qilish bilan jazolanadi.