HuquqTech
Xalq xoʻjaligi va aholining temir yoʻl transportida yuk va yoʻlovchilarni tashish ehtiyojlarini toʻla qondirish hamda temir yoʻlning barqaror va xavf-xatarsiz ishlashini taʼminlash maqsadida:
1. Temir yoʻl transporti tizimining Oʻzbekiston Respublikasi hududida joylashgan temir yoʻl korxonalari va temir yoʻl boʻlimlari, sanoat, qurilish, savdo va taʼminot korxonalari, xalq taʼlimi, sogʻliqni saqlash, madaniyat va sport, loyiha-konstruktorlik tashkilotlari, boshqa tashkilotlari, korxonalari va muassasalari negizida “Oʻzbekiston temir yoʻllari” davlat-aksionerlik kompaniyasi tashkil etilsin.
(2-band Oʻzbekiston Respublikasi Prezidentining 2001-yil 2-martdagi PF-2815-son Farmoniga muvofiq oʻz kuchini yoʻqotgan — Oliy Kengash Axborotnomasi, 2001-y., 3-son, 54-modda)
3. “Oʻzbekiston temir yoʻllari” Aksiyadorlik jamiyatining quyidagi asosiy vazifalari va faoliyat yoʻnalishlari belgilab qoʻyilsin:
(3-bandning birinchi xatboshisi Oʻzbekiston Respublikasi Prezidentining 2020-yil 20-martdagi PF-5971-sonli Farmoni tahririda — Qonun hujjatlari maʼlumotlari milliy bazasi, 20.03.2020-y., 06/20/5971/0348-son)
temir yoʻl transportida yuk va yoʻlovchilarni tashish sohasida bozor talablarini tadqiq etish, uni rivojlantirish istiqbolini belgilash va Oʻzbekiston Respublikasi iqtisodiyotini tarkibiy qayta qurishni hisobga olgan holda joylashtirish;
temir yoʻl transporti xizmatidan foydalanadigan korxonalarga taklif etiladigan koʻp yoʻnalishdagi xizmat sohasini vujudga keltirish asosida transport xizmati bozorida temir yoʻl transportining raqobatga bardoshligini taʼminlash;
temir yoʻl tarmoqlari ishi barqarorligini, poyezdlarni oʻtkazish qobiliyatini oshirishga doir chora-tadbirlar majmuini ishlab chiqish va amalga oshirish;
temir yoʻl transportini kompleks rivojlantirishga qaratilgan ilmiy-texnik yutuqlar, yangi texnika va texnologiyalar, investitsiya dasturlarini ishlab chiqish va temir yoʻl transportida joriy etish;
(3-bandning beshinchi xatboshisi Oʻzbekiston Respublikasi Prezidentining 2020-yil 20-martdagi PF-5971-sonli Farmoni tahririda — Qonun hujjatlari maʼlumotlari milliy bazasi, 20.03.2020-y., 06/20/5971/0348-son)
sarf-xarajatlarni kamaytirish va foydalanuvchi mijozlarga xizmat koʻrsatish sifatini oshirishni hisobga olgan holda yuk, yoʻlovchi, pochta va bagajni tashishga oid tariflarni (tarif stavkalarini) ishlab chiqish va vakolatli organlar bilan kelishish.
(3-bandning oltinchi xatboshisi Oʻzbekiston Respublikasi Prezidentining 2020-yil 20-martdagi PF-5971-sonli Farmoni tahririda — Qonun hujjatlari maʼlumotlari milliy bazasi, 20.03.2020-y., 06/20/5971/0348-son)
(4-band Oʻzbekiston Respublikasi Prezidentining 2001-yil 2-martdagi PF-2815-son Farmoniga muvofiq oʻz kuchini yoʻqotgan — Oliy Kengash Axborotnomasi, 2001-y., 3-son, 54-modda)
5. Oʻzbekiston Respublikasi Vazirlar Mahkamasi oʻn kun muddatda “Oʻzbekiston temir yoʻllari” davlat-aksionerlik kompaniyasining faoliyatini tashkil etish toʻgʻrisida qaror qabul qilsin, uning tarkibini va nizomini tasdiqlasin.
Oʻzbekiston Respublikasining Prezidenti I. KARIMOV
Toshkent sh.,
1994-yil 7-noyabr,
PF-982-son